Muqdisho (Sahan Post):- Ciidanka Hay’adda Sirdoonka iyo Nabad-sugidda Qaranka (NISA) ayaa sheegay inay gacanta ku dhigeen shabakad ka kooban ilaa 11 qof oo lagu tuhunsan yahay inay ku lug lahaayeen falal argagixiso iyo dhaqdhaqaaqyo qarsoodi ah oo ka dhacay Muqdisho iyo deegaano kale oo Shabeellaha Hoose iyo Shabeellaha Dhexe ka tirsan. NISA ayaa tilmaantay in kooxda la qabtay ay ku howlanaayeen qorshayaal halis gelin lahaa amniga shacabka.
War-saxaafadeedka ayaa lagu sheegay in xubnahan ay Al-Shabaab u diyaarisay inay fuliyaan weerarro iyo basaasnimo, iyadoo isku dayeysay in ay ku dhex dhuuntaan bulshada si aan loo garan. Sirdoonka Qaranka oo hayey xog dhammeystiran ayaa ku guuleystay in ay kooxdan soo qabtaan, qaarna lagu soo helay iyaga oo ku lug lahaa falal la xiriira argagixisada.
NISA waxay sidoo kale sheegtay in dhammaan dadka la qabtay loo gudbin doono hay’adaha ku shaqada leh si loogu qaado tallaabo sharci ah, iyadoo la adkeynayo muhiimadda ay leedahay ka hortagga khataraha amniga ee bulshada saameeya.
Ugu dambeyn, hay’addu waxay shacabka ugu baaqday in ay la shaqeeyaan NISA oo ay soo sheegaan xog kasta oo ku saabsan dhaqdhaqaaqyada ay ku tuhmayaan Al-Shabaab ama Daacish, iyagoo la xiriiri kara lambarrada gurmadka ee la shaaciyey.
SAHAN POST
info@sahanpost.com
Discover more from SahanPost, Mapping The Nomad Minds
Subscribe to get the latest posts sent to your email.