Yube (Sahan Pos):- Waxaa meel fiican maraya dhismaha wadada isku xidhi doonta Yubbe-Waqderiya oo si isku tashi ah bulshada Yube ee Degmo Ceerigaabo ay ku dhisayaan.
Wadadan oo dhex mari doonta dhul buuroley, qarfo ah oo ay adagtahay in la isaga gudbo ayaa dhismihiisu socdey mudooyinkii danbeeyey iyadoo dadka deegaanku ay kaga qaybqaadanayaan xoogooda iyo xoolohooda.
Ardayda dugsiyada iyo iskuulada ayaa iyana wakhtiyadooda fasaxa ka qaybqaata dhismaha wadadan, halka dadka reer guuraaga ahina ay xoolo ugu deeqeen dadka dhisaya wadadaan oo wax weyn ka bedeli doonta isu socodka Yubbe iyo Dhanka Xeebka ee Waqdariya.
Hadaba dadka gacanta ku haya ayaa ka dalbaday jaaliyadaha debeda iyo dadka muxsiniinsta ah in ay ka qaybqaataan mashruucan khayriga ah isla markaana ugu deeqaan wixii ay awoodaan. Bulshada ayaa baahi wayn u qaba qalabka dhismaha, qodida iyo burburinta dhadhaabaha, iyo weliba qalabka culus ee cagaf-cagafyada iyo iska rogooyinka.
Sahan Post
info@sahanpost.com
Discover more from SahanPost, Mapping The Nomad Minds
Subscribe to get the latest posts sent to your email.