Boosaaso (Sahan Post):- Sida lagu sheegay qoraal ka soo baxay taliska ciidanka difaaca dowladda Puntland ee ku sugan Buuraleeyda Cal-miskaad ayaa lagu shaaciyey in duqaymo ka dhacay agagaarka Ceelka Baarakallaah ee togga Baallade lagu diley 5 xubnood oo katirsan firxadka kooxda Daacish.
“Duqeyn ayaa lagu dilay ugu yaraan 5 ka mid ah Firxadka Argagixisada Daacish, duqeynta oo ka dhacday aaga Barakalah ee Togga Baalade waxaa fuliyey saaxiibada Dowladda Puntland ee Maraykanka“, Ayaa lagu yiri qoraal lagu daabacay hawlgalka Hillaac.
Dhanka kalena, Hawlgalka Hillaac ayaa shaaca ka qaaday in ciidanku gacanta ku dhigeen nin u dhashay dalka Morocco oo Daacish u qaabilsanaa dhigista GPS-yada.
“Ciidanku waxay gacanta ku dhigeen Madaxii hagista GPS-yada ee Argagixisada Daacish, Kaasi oo la qabtay isagoo firxad ah. Ninkan oo u dhashay dalka Moroco ayaa magaciisa ku sheegay Cabdirixiin Ibnu Borosa. Wasiirka Ganacsiga Axmed Shire ayaa gaaray goobta ninkan lagu qabtay”, Ayaa lagu yiri qoraalka taliska.
info@sahannpost.com
Discover more from SahanPost, Mapping The Nomad Minds
Subscribe to get the latest posts sent to your email.