Maxaan Ka Baran Karnaa Dilkii Saabiriin iyo Xukunkii Hodon?

SAHAN POST: Hodon Maxamuud Diiriye 34 jir, waxaa lagu eedeeyey oo lagu xukumay dilka Saabiriin Saylaan Cabdalle oo jirtey 14 Sano, oo 12k ii Novenber lagu dilay Gaalkacayo, iyadoo dhaawacyada jidhkeeda ka muuqda ay  muujinayeen in si daran loo jidh-dilay ka hor geerideeda, Hodon oo 34 jir ay ayaa 12 cisho dilkii Saabiriin ka dib maxkamada Derejeda Kowaad ee Gaalkacayo ku xukuntay xukun dil toogasho ah, qisaastii Saabiriin.

Maxaan Ka baran karnaa?

Tacadiyada ka dhaca guryaha, waa tacadi dadka loo geysta iyo kuwa gaystay ay qabatimeen, oo ay u arkaan wax caad iska ah in qof si daran loo garaaco, ama loo waxyeeleeyo iyadoo la adeegsanayo, in la edbinayey ama akhlaaqda la barayo, sida inta badan ay sabab ugu dhigaan kuwa falka gaystay iyo kuwa ka agdhowba.

Daryeelooyinka Guriga (Jaariyad)

Shaqaalah guryaha khaasatan inta badan gabdhaha yar yar ee duruufta iyo dantu ku kaliftay in ay jikada u galaan dad aan waalidkood iyo ehelkooda toona ay ahayn, waxay la kulmaan tacadiyo aan cidina is weydiin oo aysan dan ka gelin, tacayidaasi ma aha oo keliya, dil iyo garaac, balse waxaa suuro gal ah mararka qaarkood in lakufsado, maskaxiyana loo qalbi jebiyo. oo loo geysto dhaawac maskaxeed oo aanay weligeed kasoo kaban.

Hadaba hadii ay jirto cid kamid ah xaafadaada, ama deriskaaga, ama magaaladaada, oo caruur, shaqaale, danyar, biri magaydo oo la kulmaya, dayac iyo dil ama garaacid, cadaadis muuqaal iyo mid maskaxeedba, masuuliyada shaqsi ahaayeen waa in ay ku dirtaa oo kugu dhiiri gelisaa, in aad wax kaga qabato, afkaaga, ama gacantaada, hadii intaas aad awoodi waydo waa in aad gargaar ufidisaa dhibanaha oo aad lasocodsiisasa cid ka baxsan cida iyo meesha dhibta loogu geysanayo. Sababtoo ah talaabo yar oo qaado ayaa bad-baadin karta nafta dhibanaha, taasi oo iyana ka hortegi karta in qof ka dhibta wadaa isna naftiisa ay sababsadaan ficilada uu u geysanayo.

Hadii aad ogtahay in gabadha ama gabdhaha gurigiina ka shaqeeya amaba deriska waxaa kaa saaran waajib diini, dhaqan iyo dadnimo iyo xaalada ay ku sugan yihiin aad ka warqabto oo ugu yaraan tan guriga lagaga nool yaha mid lamid ay ku noolyihii, xaqooda cida qudha ee difaaci kartaa Eebe ka sokow waa inta ka agdhow ama aragta, ama la xidhiidha.

Dhibaatooyinka inta badan guriga ka dhaca waa la arkaa, waana la dhaafaa iyadoo loo arko wax caadi, ah laakiinse, maya dilka, dhaca, kufsiga, bahdilka, mushahar iyo xuquuq la´aantu maaha wax loo arki karo caadi, waa wax sababi kara geeri iyo wax kasii daran.

Sidaas darteed doorka bulshada yar iyo wayn ayay tahay inay wax ka qabtaan dhibaatooyinka ka dhacay bulshada dhexdeeda, loona gudbiyo dadka ku shuqulka leh ee wax ka qaban kara sida dadka waaweyn, wadaada, bilayska, iyo hay´adaha dawliga ah.

Wixii talo iyo tusaale ah noogusoo hagaaji

info@sahanpost.com