Garoowe (Sahan Post):- Guddoomiyaha Golaha Wakiillada Dowladda Puntland ayaa maanta magacaabay Ismaaciil Warsame Aaden, oo noqonaya xubin cusub oo ka mid ah Guddiga Doorashada Puntland (PEC). Magacaabistan ayaa timid kadib markii uu bannaan noqday kursi ka mid ah guddiga oo xubuntii ku fadhiday ku biirtay Baarlamaanka Puntland.
Guddoomiyaha ayaa sheegay in loo baahday buuxinta booskaas si loo dardargeliyo hawlaha muhiimka ah ee doorashooyinka Puntland, isagoo xusay in Ismaaciil Warsame Aaden uu buuxinayo shuruudihii looga baahnaa xubnaha PEC.
Ugu dambeyn, Guddoomiye Cabdirisaaq Axmed Siciid ayaa u rajeeyay xubinta cusub in uu si hagar la’aan ah uga shaqeeyo waajibaadka loo igmaday, isla markaana uu gacan ka geysto hirgelinta doorashooyinka Puntland.
Ismaaciil Warsame Aadan ayaa lagasoo doortaa Gobolka Sanaag. Gudiga Doorashooyinka Puntland ayaa maanta ansixiyey shuruuc cusub oo ku saabsan doorashooyinka la filayo in mustaqbalka laga qabto Puntland.
Sahan Post
info@sahanpost.com
Discover more from SahanPost, Mapping The Nomad Minds
Subscribe to get the latest posts sent to your email.