Garoowe (Sahan Post):- Xubno ka tirsan bulshada rayidka Puntland, Xildhibaano katirsan golaha deegaanka Degmada Garoowe oo ay weheliyaan Mas’uuliyiin ka socda ururada taageera arrimaha bulshada dalka Jarmalka iyo Shaqsiyaad u ololeeya arimaha ban´iidantinimada oo uu ka mid ahaa Dr Abu-Shacar oo ka hawlgala deegaamada Puntland ayaa kormeer ku tegey deegaamada Xamur iyo Caana-yaskax ee degmada Garoowe.
Socdaalkaan ayaa salka ku hayey u kuurgelidda baahiyaha deegaanka iyo mashaariic uu kamid yahay dugsiga hoose dhex ee deegaanka Caana-yaskax oo ay horay dhismihiisa qayb uga qaateen xubnaha ka socda dalka Jarmalka.
Bulshada deegaamadaasi ayaa waftiga la wadaagey baahiyahooda oo u badnaa saamaynta abaarta ku dhuftay guud ahaan Soomaaliya, waxbarashada, caafimaadka iyo adeegyada kale ee aasaasiga u ah noloshooda. Iyadoo xubnahaasina ay xog urursiga ay sameeyeen deegaanadaasi la wadaagi doona goobaha ay khusayso.
Sahan Post
info@sahanpost.com
Discover more from SahanPost, Mapping The Nomad Minds
Subscribe to get the latest posts sent to your email.