Gaoroowe (Sahan Post):_-Maamul Goboleedka Puntland ayaa wada qorshe uu ku samaynayo hay´ada Tayo Dhowrka iyo Bedqabka Badeecaha la isticmaalo iyadoo xeerkii Hay´adaasi ku shaqayn lahayd horyaalo Golaha Wakiilada.
Baarlamaanka lixaad ee Puntland ayaa markii ugu horreysay curiyay xeer cusub, kaas oo ah xeerka hay’adda tayo-dhowrka badeecadaha oo sida la sheegay baahi weyn loo qabay.
Baarlamaanka Puntland ayaa shalay oo khamiis ahayd meelmariyay xeerkan oo dhigaya in la dhiso hay’ad madax-bannaan oo hubisa badeecadaha, kaddib marka uu maxweynuhu saxiixo laguna soo saaro faafinta rasmiga ah ee dowladda.
Hay’adda tayo-dhowrka ayaa sida la sheegay noqon doonta mid u taagan hubinta tayada cuntada, biyaha, daawada iyo dhammaan badeecadaha kala duwan ee soo gala deegaannada Puntland, sidoo kale waxa ay hubin doontaa badeecadaha lagu sameeyo gudaha iyo kuwa loo dhoofiyo dibada.
Ina badan dekedaha Soomaaliya ayaa waxaa lagasoo deji alaabo wakhtigeedii udhacay oo aan marin wax kaantarool iyo fayo dhowr toona, taasi oo keenta in badeecad badan sanad kasta lagu gubo dalka gudihiisa, halka kuwa kalena ay fikidaan oo saas dadku ku cunaan, iyagoo sababa cudurada khatarta sida kanser iwm.
Sahan Post
info@sahanpost.com
Discover more from SahanPost, Mapping The Nomad Minds
Subscribe to get the latest posts sent to your email.