Boosaas0 (Sahan Post):- Tahriibka iyo Safarada sharci darada ah ee dadka dhalinyarada aha dalka lagaga saarayo, ayaa kor u kacay beriyihii u danbeeyey, iyadoo kumanaan dhalinyaro ah ay ku dhinteen saxara carabta iyo bada Midhitareeniyaanka. Halka kumanaan kalena ay ku kala jiraan xabsiyo kala gedisan dhamaan dunnida dacaladeeda.
Hadaba iyadoo laga duulayo arintaasi, ayaa Puntland shuruud adag ku xirtay dhoofka dadka ka yar 40 sano, kaddib markii la ogaaday in safarro badan oo qarsoodi iyo tahriib ah looga ambabaxo deegaannada Puntland, taasi oo ay ku lug yeesheen tahriibiyaal iyo dad ka shaqeeya denbiya qorshaysan.
Madaxweyne ku-xigeenka Puntland Ilyaas Cismaan Lugatoor oo hadal ka jeediyay munaasabad ka dhacday Boosaaso ayaa sheegay in qof ka yar 40 sano oo waalidkiis damiin ka ahayn ka bixi karin dalka.
Sidoo kale wuxuu tilmaamay in qof ka yar 40 sano oo waalidkiis damiin ka ahayn uusan qaadan karin baasaboorka Soomaaliga, wuxuuna intaas ku daray in amaradan la faray dhammaan hay’adaha ay quseyso ee socdaalka.
Amaradan kuwa la mid ah waxaa hore looga soo saaray Muqdisho iyo Laascaanood, hase ahaatee waxaa la is weydiinayaa xayiraadahan xal ma u noqon doonaan tahriibka dhalinyarada Soomaaliya, maxayse maamul goboleedyadaasi usamayn la´yihiin fursado iyo jawi ku negeeyo dhalinyarada Soomaaliyeed Dhulkooda.
Sahan Post
info@sahanpost.com
Discover more from SahanPost, Mapping The Nomad Minds
Subscribe to get the latest posts sent to your email.