Hawlgala Lagu Dilay Sarkaal Sare Oo Mudo La Raadinayey

Jamaame (Sahan Post):-Hawlgal qorshaysan oo lagu bartilmaameedsaday, saraakiil sar sare oo ka tirsan ururka Al-Shabaab ayaa guul laga gaadhey sida ay sheegtay Jubaland.

Ciidanka Daraawiishta Jubbaland iyo Kumaandooska Danab ayaa hawlgallo xooggan ka fuliyey Degmada Jamaame ee gobolka Jubbada hoose, halkaasi oo ay ku sugan yihiin hor joogayaal katirsan kooxda Alshabaab.

Hawlgalkii ugu dambeeyey ee duleedka Jamaame ayaa lagu diley horjoogihii Alshabaab ee deegaanka laguna magacaabi jiray Faarax Jibriil, iyo toddoba kale, kuwaas oo muddo dheer dhibaato iyo caddaadis ku hayay shacabka deegaanka.

Saraakiisha howlgalka hogaaminaya ayaa xaqiijiyay in hawlgalka uu si guul ah ku dhammaaday, isla markaana uu qeyb ka yahay qorshe ballaaran oo lagu xaqiijinayo xasilloonida Jamaame, nawaaxigeeda iyo guud ahaan Dowladda Jubbaland.

Saraakiisha ciidanka ammaanka Jubbaland ayaa xaqiijiyey in hawlgalladu ay sii socdaan maanta oo Sabti ah, inta laga xaqiijinayo nabadda iyo amniga shacabka kaas lagu beegsanayo meel kasta oo ay ku dhuumaaleysanayeen ururka Al-shabaab.

Sahan Post

info@sahanpost.com


Discover more from SahanPost, Mapping The Nomad Minds

Subscribe to get the latest posts sent to your email.

Leave a Reply

Your email address will not be published. Required fields are marked *

error:

Discover more from SahanPost, Mapping The Nomad Minds

Subscribe now to keep reading and get access to the full archive.

Continue reading